ബി.എച്ച്.എം.എസ് സ്‌പോട്ട് അഡ്മിഷന്‍

കോട്ടയം ആതുരാശ്രമം എന്‍.എസ്.എസ് ഹോമിയോപ്പതിക് മെഡിക്കല്‍ കോളേജില്‍ ഒഴിവുള്ള ഒരു ബി.എച്ച്.എം.എസ് (പിന്നോക്ക ഹിന്ദു കാറ്റഗറി) സീറ്റിലേക്ക് ...

കോട്ടയം ആതുരാശ്രമം എന്‍.എസ്.എസ് ഹോമിയോപ്പതിക് മെഡിക്കല്‍ കോളേജില്‍ ഒഴിവുള്ള ഒരു ബി.എച്ച്.എം.എസ് (പിന്നോക്ക ഹിന്ദു കാറ്റഗറി) സീറ്റിലേക്ക് കേരള എന്‍ട്രന്‍സ് കമ്മീഷണറുടെ 2017-18 ലെ മെഡിക്കല്‍ റാങ്ക് ലിസ്റ്റില്‍ ഉള്‍പ്പെട്ട പിന്നോക്ക ഹിന്ദു കാറ്റഗറി വിദ്യാര്‍ത്ഥികളില്‍ നിന്നും തത്സമയ പ്രവേശനം നടത്തും. താല്‍പര്യമുള്ളവര്‍ എല്ലാ അസല്‍ സര്‍ട്ടിഫിക്കറ്റുകളും നീറ്റ്-ന്റെ അഡ്മിറ്റ് കാര്‍ഡും എന്‍ട്രന്‍സ് കമ്മീഷണറുടെ മാര്‍ക്ക് ഡേറ്റാ ഷീറ്റും ഇപ്പോള്‍ പഠിക്കുന്ന സ്ഥാപനത്തില്‍ നിന്നുള്ള നിരാക്ഷേപ പത്രവും (എന്‍.ഒ.സി)/ഒടുവില്‍ പഠിച്ച സ്ഥാപനത്തില്‍ നിന്നുള്ള വിടുതല്‍ സര്‍ട്ടിഫിക്കറ്റും (റ്റി.സി) സഹിതം നേരിട്ട് സവംബര്‍ മൂന്ന് രാവിലെ 10 ന് തിരുവനന്തപുരം ഐരാണിമുട്ടത്തുള്ള ഗവ.ഹോമിയോപ്പതിക് മെഡിക്കല്‍ കോളേജ് പ്രിന്‍സിപ്പാള്‍ ആന്റ് കണ്‍ട്രോളിംഗ് ഓഫീസറുടെ ഓഫീസില്‍ ഹാജരാകണം. 11 മണിക്ക് ശേഷം ഹാജരാകുന്നവരെ അഭിമുഖത്തില്‍ പങ്കെടുപ്പിക്കുന്നതല്ല. എന്‍ട്രന്‍സ് കമ്മീഷണറുടെ അലോട്ട്‌മെന്റ് മുഖേന സര്‍ക്കാര്‍ മെരിറ്റ് സീറ്റുകളില്‍ ബി.എച്ച്.എം.എസ് ന് പ്രവേശനം ലഭിച്ചവര്‍ അഡ്മിഷന് അര്‍ഹരല്ല. ഫോണ്‍ : 0471-2459459.