കൊച്ചിന്‍ ഷിപ്പ്‌യാഡ് ലിമിറ്റഡും, റഷ്യന്‍ സ്ഥാപനമായ യുണൈറ്റഡ് ഷിപ്പ്ബില്‍ഡിങ്ങ് കോര്‍പ്പറേഷനും തമ്മില്‍ ജലയാനങ്ങളുടെ രൂപകല്‍പ്പന, വികസനം...
കൊച്ചിന്‍ ഷിപ്പ്‌യാഡ് ലിമിറ്റഡും, റഷ്യന്‍ സ്ഥാപനമായ യുണൈറ്റഡ് ഷിപ്പ്ബില്‍ഡിങ്ങ് കോര്‍പ്പറേഷനും തമ്മില്‍ ജലയാനങ്ങളുടെ രൂപകല്‍പ്പന, വികസനം എന്നിവ സംബന്ധിച്ച ധാരണാപത്രത്തില്‍ ഒപ്പു വച്ചു. ഹെസ്പീഡ് വെസലുകള്‍, റിവര്‍-സീ കാര്‍ഗോ വെസലുകള്‍, ഡ്രഡ്ജറുകള്‍, ഉള്‍നാടന്‍ ജലഗതാഗതത്തിനും, സമുദ്ര ഗതാഗതത്തിനുമുപയോഗിക്കുന്ന മറ്റു തരം യാനങ്ങള്‍ എന്നിവ വികസിപ്പിക്കുന്നതില്‍ ഇരു സ്ഥാപനങ്ങളുടെയും പരസ്പര സഹകരണം സംബന്ധിച്ചതാണ് ധാരണാപത്രം. കേന്ദ്ര റോഡ് ഗതാഗത, ദേശീയ പാത, ഷിപ്പിങ്ങ് മന്ത്രി ശ്രീ. നിതിന്‍ ഗഡ്കരിയുടെ സാന്നിധ്യത്തില്‍. ന്യൂഡല്‍ഹിയില്‍ വച്ചാണ്, കൊച്ചിന്‍ ഷിപ്പ്‌യാഡ് ലിമിറ്റഡ് സിഎംഡി ശ്രീ. മധു എസ് നായരും, യുണൈറ്റഡ് ഷിപ്പ്ബില്‍ഡിങ്ങ് കോര്‍പ്പറേഷന്‍ പ്രസിഡന്റ് മി. അലക്‌സി രഖ്മനോവും ധാരണാപത്രത്തില്‍ ഒപ്പു വച്ചത്. ഉള്‍നാടന്‍ ജലപാതകള്‍ക്കും, ക്രൂയിസ് വിനോദ സഞ്ചാരത്തിനും, റോ-റോ ഗതാഗതത്തിനും രാജ്യത്ത് വന്‍ സാധ്യതകളാണുള്ളതെന്ന് ശ്രീ. നിതിന്‍ ഗഡ്കരി അഭിപ്രായപ്പെട്ടു. റഷ്യയിലെ ഏറ്റവും വലിയ കപ്പല്‍ നിര്‍മാണ കമ്പനിയാണ്, ഈ രംഗത്ത് 300 വര്‍ഷത്തെ പ്രവൃത്തി പരിചയമുള്ള, യുണൈറ്റഡ് ഷിപ്പ്ബില്‍ഡിങ്ങ് കോര്‍പ്പറേഷന്‍.
COMMENTS