ലോകകപ്പ് ഫുട്ബോള്‍ ക്വിസ് മത്സരം

സംസ്ഥാന യുവജനക്ഷേമ ബോര്‍ഡ് ലോകകപ്പ് ഫുട്ബോള്‍ മത്സരത്തിന്‍റെ പ്രചരണാര്‍ഥം ജൂണ്‍ 12 മുതല്‍ സ്പോര്‍ട്സ് ക്വിസ് മത്സരങ്ങള്‍ സംഘടിപ്പിക്കുന്...

സംസ്ഥാന യുവജനക്ഷേമ ബോര്‍ഡ് ലോകകപ്പ് ഫുട്ബോള്‍ മത്സരത്തിന്‍റെ പ്രചരണാര്‍ഥം ജൂണ്‍ 12 മുതല്‍ സ്പോര്‍ട്സ് ക്വിസ് മത്സരങ്ങള്‍ സംഘടിപ്പിക്കുന്നു. 36 വയസ് വരെയുള്ളവര്‍ക്ക് പങ്കെടുക്കാം. ജില്ലയില്‍ ഒന്നും രണ്ടും മൂന്നും സ്ഥാനങ്ങള്‍ നേടുന്നവര്‍ക്ക് 7000, 3000, 2000 രൂപ വീതം ക്യാഷ് അവാര്‍ഡുകള്‍ ലഭിക്കും. ഒന്നും രണ്ടും സ്ഥാനം നേടുന്നവര്‍ക്ക് സംസ്ഥാനതല മത്സരത്തിലും പങ്കെടുക്കാം. താത്പര്യമുള്ളവര്‍ യുവജനക്ഷേമബോര്‍ഡിന്‍റെ ജില്ലാ ഓഫീസുമായി ബന്ധപ്പെടണം.

ലോകകപ്പ് ഫുട്‌ബോള്‍ ക്വിസ് മത്സരവും ബിഗ്‌സ്‌ക്രീന്‍ പ്രദര്‍ശനവും നടത്തും   

 സംസ്ഥാന യുവജന ക്ഷേമ ബോര്‍ഡ് ലോകകപ്പ് ഫുട്‌ബോള്‍ മത്സരത്തിന്റെ പ്രചരണാര്‍ത്ഥം സംസ്ഥാനത്താകമാനം വിവിധങ്ങളായ മത്സരങ്ങള്‍ സംഘടിപ്പിക്കുന്നു.  ഇതിന്റെ ഭാഗമായി ജൂണ്‍ 12 ന് ജില്ലയില്‍ സ്‌പോര്‍ട്‌സ് ക്വിസ് മത്സരം നടക്കും.  15 നും 35 നും ഇടയില്‍ പ്രായമുള്ള യുവജനങ്ങള്‍ക്ക് മത്സരത്തില്‍ പങ്കെടുക്കാം.  വിജയികള്‍ക്ക് 7000, 3000, 2000 രൂപ വീതം ക്യാഷ് അവാര്‍ഡുകള്‍ നല്‍കും.  ഒന്നും രണ്ടും സ്ഥാനം ലഭിക്കുന്നവര്‍ക്ക് ഫൈനല്‍ മത്സരത്തിന് മുന്നോടിയായി സംസ്ഥാനതല മത്സരവും സംഘടിപ്പിക്കും.  താല്‍പര്യമുള്ളവര്‍ ജില്ലാ യുവജന കേന്ദ്രവുമായി ബന്ധപ്പെടണം.  ഫോണ്‍:0497 2705460.
    സംസ്ഥാനത്തെ 500 യവത്ത് ക്ലബ്ബുകളുമായി സഹകരിച്ച് ലോകകപ്പ് ഫുട്‌ബോളിന്റെ സെമി ഫൈനല്‍ മുതലുള്ള മത്സരങ്ങള്‍ 250 കേന്ദ്രങ്ങളില്‍ ബിഗ് സ്‌ക്രീനിലൂടെ പ്രദര്‍ശിപ്പിക്കും.

പ്രബന്ധരചനാ മത്സരം   

ജൂണ്‍ 12 ബാലവേല വിരുദ്ധ ദിനത്തിന്റെ ഭാഗമായി ജില്ലാ ലീഗല്‍ സര്‍വ്വീസസ് അതോറിറ്റി ഹൈസ്‌കൂള്‍, ഹയര്‍ സെക്കണ്ടറി, കോളേജ് തലത്തിലുള്ള വിദ്യാര്‍ത്ഥികള്‍ക്കായി ബാലവേല വിരുദ്ധത പ്രമേയമാക്കി മലയാളത്തില്‍ പ്രബന്ധരചനാ മത്സരം നടത്തുന്നു.  12 ന് കണ്ണൂര്‍ കോടതി കോമ്പൗണ്ടില്‍ നടക്കുന്ന പരിപാടിയില്‍ പങ്കെടുക്കുന്നതിനായി 9946675122 എന്ന നമ്പറില്‍ രജിസ്റ്റര്‍ ചെയ്യണം.

പഠനോപകരണ വിതരണം

പത്തനംതിട്ട :  ജില്ലയിലെ സ്റ്റുഡന്‍റ്സ് പോലീസ് കേഡറ്റ്സ് നോഡല്‍ ഓഫീസിന്‍റെ ആഭിമുഖ്യത്തില്‍  എസ്.പി.സി സ്കൂളുകളിലെ തെരഞ്ഞെടുത്ത വിദ്യാര്‍ഥികള്‍ക്ക് പഠനോപകരണങ്ങള്‍ വിതരണം ചെയ്തു. ജില്ലാ പോലീസ് മേധാവി ടി.നാരായണന്‍ മൈലപ്ര സേക്രട്ട് ഹാര്‍ട്ട് സ്കൂളില്‍ വിതരണോദ്ഘാടനം നിര്‍വഹിച്ചു. റജി ജോസഫ് അധ്യക്ഷത വഹിച്ച ചടങ്ങില്‍ എസ്.പി.സി ജില്ലാ നോഡല്‍ ഓഫീസര്‍ ആര്‍.പ്രദീപ് കുമാര്‍, സബ് ഇന്‍സ്പെക്ടര്‍ എ.അനീസ്, ജയ പ്രദീപ്, മഞ്ജു വര്‍ഗീസ്, ഷാനി തോമസ് തുടങ്ങിയവര്‍ പ്രസംഗിച്ചു. പോലീസും വിദ്യാര്‍ഥികളും തമ്മിലുള്ള ബന്ധം മെച്ചപ്പെടുത്തുന്നതിന്‍റെ ഭാഗമായാണ് ഇത്തരം പ്രവ ര്‍ത്തനങ്ങള്‍ ഏറ്റെടുക്കുന്നതെന്ന് ജില്ലാ പോലീസ് മേധാവി പറഞ്ഞു.