നൂറനാട് സ്വദേശി സുമിതയുടെ ഗാനാലാപനം ശ്രദ്ധേയമാകുന്നു

ഗായിക കെ.ജി. സുമിത  നൂറനാട് : നൂറനാട് സ്വദേശി സുമിതയുടെ ഗാനങ്ങൾ സമൂഹമാധ്യമങ്ങളിൽ ശ്രദ്ധേയമായി. 1998ൽ ബിഎ മ്യൂസിക്ക് പൂർത്തിയാക്കിയ ശ്രീ...

ഗായിക കെ.ജി. സുമിത 

നൂറനാട് : നൂറനാട് സ്വദേശി സുമിതയുടെ ഗാനങ്ങൾ സമൂഹമാധ്യമങ്ങളിൽ ശ്രദ്ധേയമായി. 1998ൽ ബിഎ മ്യൂസിക്ക് പൂർത്തിയാക്കിയ ശ്രീമതി സുമിത കെ.ജി തിരുവനന്തപുരം ആകാശവാണിയുടെ ബിഗ്രേഡ് ആര്ടിസ്റ് - ലൈറ്റ് മ്യൂസിക്ക് ആയി സേവനം അനുഷ്ഠിച്ചിട്ടുണ്ട്.ബിരുദശേഷം വിവാഹവും കഴിഞ്ഞു വീടും കുടുംബവുമായി കഴിയുകയായിരുന്നു.ഒരു തയ്യൽ ക്ലാസ് തുടങ്ങാനുള്ള ആശയം ഒരു സുഹൃത്തിനോട് പങ്ക് വെച്ചപ്പോഴാണ് സംഗീതം എന്തിന് ഉപേക്ഷിക്കണം അതിനോടൊപ്പം സംഗീതക്ലാസും എടുത്തുകൂടെ എന്ന നിർദേശം ലഭിച്ചത്.അവരുടെ സ്ഥാപനത്തിൽ അതിനു വേണ്ട സൗകര്യങ്ങൾ ഒരുക്കാമെന്നും പറഞ്ഞു.അങ്ങനെ  ചാരുമൂട്ടിൽ തപസ്യ ആർട്സ് & മ്യൂസിക്ക് സ്‌കൂൾ , ഫാഷൻ ഡിസൈനിങ്ങിന് ഒപ്പം തുടങ്ങി.അവിടെ കൂട്ടുകാരിക്ക് വേണ്ടി പാടിയ പാട്ടാണ് ഫേസ്ബുക്കിൽ തരംഗമായത്.ചിത്രകലയിൽ അഭിരുചി ഉള്ള ഈ കലാകാരി ഇപ്പോൾ ശ്രീമതി വത്സലാദേവി ടീച്ചറിൻറെ ചിത്രമാല മ്യൂറൽ ഇന്സ്ടിട്യൂട്ടിൽ ചിത്രരചന പഠിക്കുന്നുണ്ട്.

പ്രശസ്ത സംഗീത സംവിധായകൻ ശ്രീ നൂറനാട് കൃഷ്ണൻ കുട്ടിയുടെ ജേഷ്ഠനായ  കവിയും ജനകീയ നേതാവുമായ കെ. കെ. കൊച്ചു, പാലമേൽ പഞ്ചായത്തിലെ ആദ്യ വനിതാ പ്രസിഡന്റ്‌ ഗോമതി ടീച്ചർ എന്നിവരുടെ പുത്രിയാണ് . അവാർഡിനർഹമായ 'ആകാശങ്ങൾക്കപ്പുറം' എന്ന സിനിമയിൽ ഗാനം ആലപിച്ചിട്ടുണ്ട് (കുട്ടികളുടെ ചിത്രം - 2016). വർഷങ്ങളായി പാടാതിരുന്നിട്ട് പാടാനുള്ള തന്റെ കഴിവ് തിരികെയെടുക്കാനുള്ള ശ്രമത്തിലാണ് താൻ എന്നും കായംകുളം ന്യൂസിന് നൽകിയ അഭിമുഖത്തിൽ പറഞ്ഞു.